На 14.05.2021 во EuropeHouse-Крива Паланка се одржа настан „Пееме за Европа“, на кој учествуваа учениците од ООУ„Јоаким Крчовски“-Крива Паланка. Учениците се претставија со музички точки и рецитал. Темата на овој настан беше „Пееме и рецитираме за Европа“. Настанот го организираше EuropeHouse-Крива Паланка во соработка со наставничките Лариса Жулина-Митовски (наставник по музичко образование) и Габриела Стојановска (наставник по македонски јазик). На свеченоста преку заеднички активности се интегрираа двата предмети – музичко образование и македонски јазик. Голем придонес во подготовката и реализацијата на оваа манифестација дадоа наставниците Билјана Петковска Антовска, Билјана Алексовска и Кристина Петровска.